Դրական հույզերը փոխում են գեների աշխատանքը

Երջանկության զգացումը կարող է դրական կամ բացասական ազդեցություն ունենալ մարդու գեների վրա՝ կախված նրանից, թե ինչն է հանդիսանում դրական հույզերի աղբյուր։

Մարդու մարմինը մոլեկուլյար մակարդակում ճանաչում է երջանկության միայն որոշակի տեսակ։ Օրինակ, էվդեմոնիկ բարօրությունը, որը կապված է կյանքում իմաստի եւ նպաստի առկայությամբ, ծայրահեղ դրական ազդեցություն է ունենում գեների վրա, ինչն արտահայտվում է իմունային բջիջներում։ Ակտիվանում են գեները, որոնք պատասխանատու են հակամարմինների եւ հակավիրուսային պաշտպանական մեխանիզմների համար։

Իսկ հեդոնիստական բարօրությունը, որը կապված է հաճելի զգացողությունների ու սեփական ցանկությունների բավարարման հետ, հակառակ էֆեկտն է ունենում, գրում է The Hindu-ն։ Օրագնիզմը բաց է դառնում բորբոքման եւ վիրուսների համար, փոխանցում է MedDaily.ru-ն։

Գիտնականները վերլուծել են մոտ 21000 գեներ, որոնք մարդուն օգնել են գոյատեւել բառի բուն իմաստով։ Հայտնի է, որ սթրեսի, անորոշության կամ սպառնալիքի առկայության դեպքում գեների էքսպրեսիան փոխվում է։ Մասնավորապես՝ հոգեհուզական լարվածությունը հանգեցնում է բորբոքման գեների ակտիվացմանն ու հակավիրուսային գեների ակտիվության նվազմանը։

Հարցեր, պատասխաններ, մեկնաբանություններ